Muaj Kev Kawm Rau Cov Neeg Ua Hauj Lwm Txhawb Nqa Ncaj Qha

Txog kev saib xyuas koj tus kheej tam li yog ib tug neeg saib xyuas: Tsis txhob ua kom koj lub siab ntsws tag zog los ntawm kev sib txuas lus tau tau zoo

Kev ua hauj lwm txhawb nqa ncaj qha yog lub hauv paus ntawm cov kev pab cuam thiab kev txhawb nqa rau cov neeg xiam oob qhab. Cov neeg ua hauj lwm txhawb nqa ncaj qha (Direct support workers, DSWs) muaj lub luag hauj lwm tseem ceeb hauv kev txhawb nqa cov neeg xiam oob qhab kom tuaj yeem ua tau lawv lub neej nyob yam muaj kev nyab xeeb hauv lawv lub zej zog. Kev muab kev txhawb nqa uas muaj txiaj ntsig zoo rau txhua leej ntawd tseem ceeb tsis tsawg tshaj li thiab. Kev saib xyuas tus kheej los kuj tseem ceeb ib yam nkaus li thiab! Neeg ua hauj lwm txhawb nqa ncaj qha yog ib yam hauj lwm uas nyuaj thiab kev ntxhov siab thiab tag zog yog ib qho teeb meem uas yuav tau siv sij hawm ntev hauv peb txoj hauj lwm. Tuaj koom nrog peb rau kev cob qhia li plaub teev no. Peb yuav tham txog cov ncauj lus ntsig txog kev ncaj ncees rau cov neeg xiam oob qhab, kev sib txuas lus tau txais txiaj ntsig zoo, kev muab kev txhawb nqa uas saib tib neeg yog qhov nruab nrab thiab tus neeg saib xyuas kev noj qab nyob zoo. Cov kev sib tham no tsuas yog rau cov DSWs uas ua hauj lwm los ntawm Minnesota cov khoos kas pab cuam txhawb nqa uas cov neeg siv khoom coj los (CFSS tus qauv pob peev nyiaj txiag, PCA Choice, CDCS thiab CSG). Qhov kev cob qhia no siv tau rau ib feem ntawm cov nyiaj pab kev cob qhia uas DHS muab rau cov DSWs uas muaj cai tsim nyog. Nias qhov no kom paub ntau ntxiv txog qhov kev muaj cai tsim nyog.

Yog xav tso npe rau qhov kev cob qhia, ces xa email rau admin@minnesotadswtraining.com nrog koj lub npe, lub xeem, tus naj npawb UMPI 10-tus lej thiab lub npe thiab hnub kawm uas koj xav mus kawm. Yog tias koj tsis paub koj li UMPI yog dab tsi, ces tiv tauj koj tus tswv hauj lwm/lub koom haum sawv cev muab kev pab cuam.